Kral Çarlz "Qladiator 2"nin qalasına qatıldı

Ötən gün Londonda "Qladiator 2" filminin premyerası baş tutub.

BAKU.WS xəbər verir ki, "Leicester" meydanında reallaşan qalada Kral Çarlz da iştirak edib.

Hazırda xərçəngdən müalicə olunan kral film heyəti ilə salamlaşıb. Onlar arasında ekran işinin rejissoru Ridli Skott, aktyorlar Paul Meskal, Denzl Vaşinqton, Pedro Paskal, Konni Nilson və digərləri olub.

Kral Çarlz Vaşinqtona yaxınlaşaraq "Bu günə qədər xeyli fimə çəkilmisiniz. Bu inanılmaz bir şeydir" -deyə qeyd edib.

Aktyor isə bu sözləri qarşılığında Çarlza təşəkkür edib.