Kelloq Rusiya-Ukrayna müharibəsinin başa çatması üçün gözlənilən vaxt çərçivəsini adlandırıb

Ukraynada müharibə bir ildən tez müddətə başa çatmalıdır.

BAKU.WS "Report"a istinadən xəbər verir ki, bu fikri ABŞ Prezidentinin Ukrayna və Rusiya üzrə xüsusi nümayəndəsi Keyt Kelloq Münhen Təhlükəsizlik Konfransında çıxışı zamanı deyib.

Eyni zamanda o vurğulayıb ki, müharibənin başa çatması ilə yanaşı, Ukraynanın suverenliyi də təmin olunmalıdır: "Bütün tərəfləri cəlb etmək üçün 180 gün vaxt ayırıram".

O, danışıqlardakı rolunu da açıqlayıb və qeyd edib ki, özü Ukrayna və Avropa istiqamətlərinə, xüsusi nümayəndə Stiv Vitkoff isə Rusiya istiqamətinə cavabdehdir.