Kazan hava limanı fəaliyyətini bərpa edib

Kazan hava limanı reyslərin qəbulu və göndərişini bərpa edib. Hava limanı təxminən iki yarım saat bağlı qaldıqdan sonra məhdudiyyətlər yerli vaxtıla saat 10:00-da aradan qaldırılıb.

BAKU.WS xəbər verir ki, bu barədə "Rosaviatsiya" məlumat yayıb.

Məhdudiyyətlər qüvvədə olduğu dövrdə Kazana uçan beş təyyarə ehtiyat hava limanlarına yönləndirilib.

Bu gün, 23 aprel səhər saatlarında Nijnekamsk və Ulyanovsk hava limanlarında da uçuşlara məhdudiyyət qoyulmuşdu. Ulyanovskda artıq həmin məhdudiyyətlər də ləğv edilib.

Hakimiyyət orqanları məhdudiyyətlərin tətbiq olunma səbəbi kimi mülki aviasiya üçün uçuşların təhlükəsizliyinin təmin olunmasını göstərib. Adətən bu, PUA hücumu təhlükəsi ilə əlaqələndirilir.