İstanbulda əyləncə məkanına qumbara ilə hücum olub - Yaralılar var

İstanbulun Kağıthane bölgəsində əyləncə məkanına qumbaraatanla hücum edilib.

BAKU.WS Türkiyə mətbuatına istinadən xəbər verir ki, 2 nəfərin motosikletə atdığı qumbaraların partlaması nəticəsində 3-ü ağır olmaqla 7 nəfər yaralanıb.

Bildirilib ki, hadisə yerli vaxtla gecə saat 01:40 radələrində Kağıthanenin Hürriyyət məhəlləsindəki Park küçəsində baş verib.

Məlumata görə, küçədə əyləncə yeri kimi istifadə edilən 5 mərtəbəli binanın 2-ci mərtəbəsinə motosikletdə olan 2 nəfər tərəfindən qumbara atılıb. Hadisə yerinə sağlamlıq, ictimai asayiş, bomba mütəxəssisləri, terrorla mübarizə və yanğınsöndürmə idarəsinin əməkdaşları cəlb olunub.

Polis şübhəliləri tutmaq üçün təhlükəsizlik kamerası görüntülərini araşdırmağa başlayıb.