İsrail Tehranda radiolokasiya stansiyasına hücum edib

İsrail Hərbi Hava Qüvvələri İranın atəşkəsi pozmasına cavab olaraq Tehranın şimalındakı radiolokasiya stansiyasına zərbə endirib.

BAKU.WS xəbər verir ki, bu barədə "Kan" telekanalı məlumat yayıb.

"The Times of Israel" nəşrinin ölkə rəsmilərinə istinadla verdiyi xəbərə görə, zərbə İranın bu gün səhər atəşkəs elan edilməsinə baxmayaraq, İsrailə iki ballistik raket atmasına cavab olaraq həyata keçirilib.

Nəşrin yazdığına görə, daha sonra ABŞ Prezidenti Donald Tramp və İsrailin Baş naziri Binyamin Netanyahu arasında telefon danışığı baş tutub. Danışıqlarda İranın hərəkətlərinə "simvolik cavab" verilməsi barədə razılıq əldə olunub.