İsrail prezidenti Səudiyyə Ərəbistanı ilə sülh sazişi bağlamaq arzusundadır

İsrail Prezidenti İsxak Hersoq Səudiyyə Ərəbistanı ilə sülh sazişini bağlamaq arzusunda olduğunu bəyan edib.

BAKU.WS Oxu.Az-a istinadən xəbər verir ki, o bu barədə ABŞ-nin "Newsweek" jurnalına müsahibəsində deyib.

"Mən sülh tərəfdarıyam, məsələn, Səudiyyə Ərəbistanının vəliəhd şahzadəsi Məhəmməd bin Salman Al Səudla sülh sazişi bağlamağı arzulayıram", - deyə İsrail prezidenti bildirib.

O qeyd edib ki, Ər-Riyadla münasibətlərin yaxşılaşması həm onun üçün, həm də bütün region üçün vacib hadisə olacaq.

Hersoqun sözlərinə görə, Yaxın Şərqin gələcəyi yəhudilər və müsəlmanlar arasında dialoqdan asılıdır.