İsrail ordusu Livanda "Hizbullah" döyüşçülərini məhv edib

İsrail ordusu quru və hava zərbələri nəticəsində bir gün ərzində Livanın cənubunda Livan hərəkatı "Hizbullah"ın təxminən 70 döyüşçüsünü məhv edib.

BAKU.WS xəbər verir ki, bu barədə İsrail Müdafiə Qüvvələrinin (SAXAL) mətbuat xidməti məlumat verib.

İsrail "Hizbullah"a qarşı məhdud, lokallaşdırılmış və hədəflənmiş reydlərin davam etdiyini bildirib.

Bundan əlavə, İsrail hərbçiləri Livan hərəkatının atıcı qurğular, minaatanlar, mərmi və digər təchizatın saxlandığı silah anbarlarını məhv ediblər.

Qeyd edək ki, SAXAL 23 sentyabr 2024-cü ildə Livanda "Hizbullah"ın hərbi infrastrukturuna qarşı "qabaqlayıcı hücum əməliyyatı" keçirdiyini elan edib.