İsrail Müdafiə Qüvvələrinin rəisi: Hücumlarda minlərlə İran əsgəri və komandiri öldürülüb

İsrailin hücumlarında minlərlə İran əsgəri və komandiri öldürülüb.

BAKU.WS "The Times of Israel"ə istinadən xəbər verir ki, bu sözləri İsrail Müdafiə Qüvvələrinin Baş Qərargah rəisi general-leytenant Eyal Zamir deyib.

Onun sözlərinə görə, İsrailin İrana endirdiyi zərbələr nəticəsində "minlərlə" İran əsgəri və komandirinin öldürülüb. "Tel Nof" aviabazasına səfər edən Eyal Zamir heç kimin bundan sığortalanmadığı barədə xəbərdar edib:

"Biz İrana dəyən ziyanı dərinləşdirən və zamanla təhlükəni daha da uzaqlaşdıran bir kampaniyadayıq. İndiyə qədər İranın minlərlə əsgərini və komandirini məhv etmişik. Mən buradan bütün düşmənlərimizə də deyirəm: Heç kim immunitetli deyil. İsrail Dövlətinin vətəndaşlarına zərər verməyə çalışan hər kəsə necə çatacağımızı bilirik".

General-leytenant "Hizbullah" terror qruplaşması haqqında isə "İranla yanaşı durmağın bədəlini ödəyir. Biz onu tərksilah etməkdən əl çəkməyəcəyik; bu kampaniya bunu sürətləndirməyə kömək edəcək" sözlərini söyləyib.