İsrail Beyruta yeni hava zərbəsi endirib

İsrailin Beyrutda binaya endirdiyi hava zərbəsi nəticəsində Fələstinin Azadlığı Xalq Cəbhəsinin 3 üzvü həlak olub.

BAKU.WS türk mediasına istinadən xəbər verir ki, Livandan yayımlanan Əl-Cədid televiziyasının məlumatına görə, Fələstinin Azadlıq Xalq Cəbhəsinin üç üzvü hücumda həyatını itirib.

2023-cü il oktyabrın 8-də Hizbullah-İsrail qarşıdurması başlayandan bəri İsrail ilk dəfədir ki, Beyrutun fərqli hissəsinə hücum edir. Əvvəlki hücumlar Beyrutun cənub ətraflarına edilmişdi.