İspaniyada faciənin miqyası böyüyür - Ölənlərin sayı 95-ə çatdı

İspaniyanın şərq və cənub bölgələrində yağan güclü yağışlar nəticəsində azı 95 nəfər həyatını itirib.

BAKU.WS xarici KİV-ə istinadən xəbər verir ki, itkin düşənlərin axtarışlarının davam edir.

Ölkənin şərqində, şiddətli yağış və fırtınalardan ən çox zərər çəkən bölgələrdən biri Valensiyadır.

Muxtar hökumətin nəzdində fəaliyyət göstərən operativ idarəetmə mərkəzinin açıqlamasına görə, bölgədə 92 nəfərin cəsədi tapılıb.

Valensiyadan sonra daşqından ən çox zərər görən ikinci bölgə Kastiliya-La Mançadadır ki, burada ölənlərin sayının 3 nəfərə çatıb.

Təbii fəlakət nəticəsində xüsusilə Valensiya bölgəsində onlarla insanın itkin düşüb.

Yerli jandarmanın yaydığı məlumata görə, bu bölgədə 1200 nəfər hələ də daşqınlar səbəbindən öz yerlərində qapalı qalıb, 5 mindən çox avtomobil isə magistral yollarda tərk edilmiş vəziyyətdədir. Bu maşınların bəzilərinin içində sürücüləri köməksiz halda gözləyir.