İranın raket zərbəsi nəticəsində ən azı 15 israilli yaralanıb

İranın Beer-Şevadakı binalara endirdiyi ballistik raketin zərbəsi nəticəsində ən azı 15 israilli yaralanıb. Onlardan birinin vəziyyəti ağırdır.

BAKU.WS xəbər verir ki, bu barədə "Yerusəlim Post" qəzeti məlumat yayıb.

Qeyd edilib ki, sözügedən ərazidə bir neçə ev dağılıb.

Raketin vurduğu dağıntılar altında itki olub-olmadığını müəyyən etmək üçün araşdırmalar aparılır.

Bazar ertəsi günü terror qruplaşması Hizbullah İsrailə doğru bir neçə zərbə endirib və bu, Livanın cənubunda və Beyrutda İsrail Müdafiə Qüvvələrinin cavab reaksiyasına səbəb olub.