İranda avtobus aşdı: 10 ölü, 36 yaralı

İranın Yəzd şəhərində baş verən qəzada avtobus aşıb.

BAKU.WS iran mediasına istinadən xəbər verir ki, hadisə nəticəsində 10 nəfər ölüb, 36 nəfər yaralanıb. Yaralılar xəstəxanalara göndərilib.

Yəzd Qızıl Aypara Cəmiyyətinin baş direktoru Məhəmməd Aşiqi qəza ilə bağlı məlumat verib.

Qəzanın səbəbləri barədə məlumat verməyən İran rəsmisi yaralıların bölgədəki xəstəxanalara göndərildiyini qeyd edib.