İran XİN ABŞ ilə razılaşmanın imzalanacağı tarix barədə məlumat yayıb

ABŞ ilə İran arasında İslamabadda aparılan danışıqların nəticəsi olaraq hazırlanan memorandumun əsas məqsədi müharibənin dayandırılmasıdır.

BAKU.WS xəbər verir ki, bunu İran Xarici İşlər Nazirliyinin sözçüsü İsmayıl Bəqai açıqlayıb.

Onun sözlərinə görə, hazırda müzakirə olunan İslamabad memorandumu hərbi qarşıdurmanın dayandırılmasına yönəlib və bu mərhələdə nüvə proqramı ilə bağlı məsələlərin gündəmə gətirilməməsi barədə qərar qəbul olunub.

Bəqai bildirib ki, sənədin nə vaxt imzalanacağı hələ dəqiq məlum deyil: "Memorandumun sabah imzalanacağı gözlənilmir, lakin yaxın günlərdə bunun baş verməsi ehtimalı var. Bununla yanaşı, qarşı tərəfin qeyri-sabit mövqeyi nəzərə alınaraq, proseslə bağlı açıqlamalara ehtiyatla yanaşmaq vacibdir".