İran raket və dron ehtiyatlarını sürətlə bərpa edir

İran hərbçiləri raket və pilotsuz uçuş aparatlarının ehtiyatlarını operativ şəkildə artırır. Bu barədə "Report"un Tasnimagentliyinə istinadən məlumat yayılıb.

BAKU.WS xəbər verir ki, İslam İnqilabı Keşikçiləri Korpusunun (SEPAH) Aerokosmik Qüvvələrinin komandanı Məcid Musəviatəşkəs dövründə silah ehtiyatlarının sürətlə bərpa edildiyini açıqlayıb.

Onun sözlərinə görə, İran müharibədən əvvəlki dövrlə müqayisədə raket və dron arsenalını daha qısa müddətdə yeniləyə bilib. Musəvi həmçinin iddia edib ki, ABŞ və İsrail eyni tempdə silah ehtiyatlarını bərpa edə bilmir və buna görə digər regionlardan silah daşınmasına məcbur qalır.

Bundan əvvəl Business Insider nəşri yazmışdı ki, Yaxın Şərqdəki əməliyyatlara baxmayaraq, İranın arsenalında minlərlə ballistik raket və zərbə dronları qalır.

Digər tərəfdən, The New York Times ABŞ kəşfiyyatına istinadən xəbər verib ki, son həftələrdəki hərbi əməliyyatlardan sonra İranın raket qurğularının 60 faizdən çoxu, zərbə dronlarının isə təxminən 40 faizi hələ də istifadəyə hazırdır.

Qeyd olunur ki, bu potensial Hörmüz boğazında gəmiçiliyə təsir göstərmək üçün kifayət hesab olunur.