İran Neft Nazirliyi: Tehran neft emalı zavodu hücuma məruz qalmayıb

İranın Neft Nazirliyi açıqlama yayaraq, Tehran Neft Emalı Zavodunun İsrailin hava zərbələrindən zərər görmədiyini və normal rejimdə fəaliyyətini davam etdirdiyini bildirib.

BAKU.WS xəbər verir ki, zavodda istehsal, tədarük və yanacaq paylanması əvvəlcədən nəzərdə tutulmuş qrafikə uyğun şəkildə həyata keçirilir və hər hansı fasilə baş verməyib.

Nazirlik, həmçinin zavodda yanğın baş verdiyi ilə bağlı yayılan xəbərləri təkzib edərək, alovun zavodun özündə deyil, ərazidən kənarda yerləşən yanacaq çənində baş verdiyini qeyd edib.