İki nəfərin öldüyü təyyarə qəzasında "UCUZ BENZİN" iddiası

Türkiyənin Antalya şəhərində 2019-cu ildə baş verən və pilot Levent Arslan ilə "Havacılıq İdarəçiliyi" tələbəsi Ataberk Gökmenin ölümü ilə nəticələnən təyyarə qəzası ilə bağlı məhkəmə prosesi davam edir.

BAKU.WS haber global-a istinadən xəbər verir ki, hadisədən sağ qurtulan müəllim Devrim Gün və Gökmenin atası Ahmet Gökmen qəzanın səbəbinin maliyyəti azaltmaq üçün təyyarədə avtomobil benzini istifadə olunması olduğunu iddia ediblər.

İttiham aktına görə, qəzaya pilotaj səhvi və təyyarənin texniki baxımsızlığı səbəb olub. Təyyarənin aid olduğu "Side Sportif Havacılık Derneği"nin rəhbəri Onur Cahit Alkın isə məsuliyyəti üzərindən ataraq uçuşun təhlükəsiz şəraitdə keçirildiyini iddia edib.

Qəzadan sonra yanacaq nümunəsinin yoxlanılmadan yox edildiyi ortaya çıxıb. Zərərçəkən tərəf məsul şəxslərin cəzalandırılmasını tələb etsə də, məhkəmə prosesi hələ davam edir.