II Dünya Müharibəsində batan gəminin içindən sirli avtomobil tapılıb

Havay sahillərindən 1 600 km aralıda, dənizin dibində yerləşən USS Yorktown təyyarədaşıyan gəmisində aparılan tədqiqat zamanı II Dünya Müharibəsi dövrünə aid sirli avtomobil aşkarlanıb.

BAKU.WS sondakika-ya istinadən xəbər verir ki, NOAA Ocean Exploration komandası tərəfindən 19 aprel tarixində həyata keçirilən dalğıc işləri zamanı, 1942-ci ildə batan gəminin anqarında heç bir sənəddə qeyd olunmayan 1940-41-ci illərə aid Ford Super Deluxe "Woody" Wagon modeli aşkar edilib.

Avtomobilin ön nömrə nişanında "GƏMİ XİDMƏTİ" sözləri qismən oxunsa da, tam məlumat almaq mümkün olmayıb. Mütəxəssislər avtomobilin gəminin komandiri və ya kontr-admiral Frank Fletcher-ə aid ola biləcəyini ehtimal edirlər.

Maraqlısı odur ki, bu dövrdə ABŞ hərbi gəmilərində şəxsi avtomobil saxlanmasına dair başqa heç bir nümunə yoxdur.

Araşdırma qrupu bu tapıntının sirrini araşdırmağa davam edir.