"Hizbullah"la toqquşmada 10 İsrail əsgəri yaralandı

Livanın cənubundakı Bint Cbeil şəhərində gecə "Hizbullah" silahlıları ilə baş verən qarşıdurmada 10 İsrail əsgəri yaralanıb.

BAKU.WS xəbər verir ki, bu barədə "The Times Of Israel" qəzeti məlumat yayıb.

Qeyd edilib ki, İsrail Müdafiə Qüvvələrinin məlumatına əsasən, həmin əsgərlərdən üçünün vəziyyəti ağır, birinin vəziyyəti orta ağır, altısı isə yüngül yaralanıb.

"Hizbullah"ın istehkamı olan Bint Cbeil son günlərdə Livanın cənubundakı İsrail Hərbi Qüvvələrinin əməliyyatlarının mərkəzi olub.