Hindistanda sərnişin təyyarəsinin qəzasının ilkin səbəbi məlum olub

Hindistanın Əhmədabad hava limanı yaxınlığında baş vermiş "Air India" aviaşirkətinə məxsus sərnişin təyyarəsinin qəzasına səbəb kimi quşlarla toqquşma ehtimalı göstərilir.

BAKU.WS xəbər verir ki, NDTV telekanalının yaydığı məlumata əsasən, mütəxəssislər ehtimal edirlər ki, quş sürüsü ilə qarşılaşma nəticəsində təyyarənin sürəti azala bilərdi və bu, qəzanın baş verməsində rol oynaya bilər. Qəzaya uğrayan hava gəmisinin "Boeing 787-8 Dreamliner" modeli olduğu və artıq 11 ildən çox müddətdir ki, istifadə edildiyi qeyd olunub.

Məlumata görə, 2011-ci ildən kommersiya reyslərinə başlayan bu model üçün bu hadisə ilk qəza kimi tarixə düşüb.