Hindistan və Aİ azad ticarət sazişini tam razılaşdırıb

Hindistan və Avropa İttifaqı (Aİ) azad ticarət haqqında sazişi tam şəkildə razılaşdırıb. Saziş dünya ÜDM-nin 25 faizini və qlobal ticarətin üçdə birini əhatə edir.

BAKU.WS xəbər verir ki, bu barədə Hindistanın Baş naziri Narendra Modi bildirib.

"Hindistan və Avropa İttifaqı dünən azad ticarət sazişini tam və yekun şəkildə razılaşdırdı", - deyə Modi "Hindustan Times" qəzetinə bildirib.

Hindistanın Baş naziri qeyd edib ki, saziş istehsal sektoru və xidmət sahəsinin inkişafına güclü təkan verəcək. O, bu sənədi "bütün razılaşmaların anası" adlandıraraq, eyni zamanda demokratiyaya və hüququn aliliyinə sadiqliyi möhkəmləndirəcəyini vurğulayıb.

Modinin sözlərinə görə, razılaşma 1,4 milyard Hindistan vətəndaşının və Avropa ölkələrində yaşayan milyonlarla insanın həyat səviyyəsinin yaxşılaşmasına töhfə verəcək.