"Haber Global"da İsrail-İran gərginliyi müzakirə edildi

"ABŞ-nin İranın nüvə silahı istehsalına dair iddiası bəhanə rolunu oynayır. Bu, İraqda baş vermiş hadisələrdə də özünü göstərdi. Məqsəd İran coğrafiyasına daxil olub 1979-cu ildən həzm edə bilmədiyi siyasi sistemi dəyişdirməkdir".

BAKU.WS xəbər verir ki, bu sözləri "Haber Global" televiziyasında çıxışında istefada olan polkovnik, İstanbul Kent Universitetinin müəllimi Çağlar Özeri deyib.

Ç.Özer xatırladıb ki, Orta Şərq coğrafiyasında İsraillə qarşıdurmada olan tək dövlət İrandır.

Ekspert bildirib ki, bu səbəbdən İsrailin ən yaxın müttəfiqi olan Birləşmiş Ştatlar Təl-Əvivə dəstək verməkdə davam edəcək.