Günəşdə super güclü partlayış olub

Bu səhər Bakı vaxtı ilə saat 11:28-də Günəşdə super güclü X1.1 sinifli alışma qeydə alınıb.

BAKU.WS xəbər verir ki, bu barədə Rusiyanın Tətbiqi Geofizika İnstitutu məlumat yayıb.

Bildirilib ki, alışma 28 dəqiqə davam edib.

Bu güclü partlayışdan əlavə, alimlər daha səkkiz M sinifli məşəl (M1.0, M2.0, M3.1, M3.5), eləcə də hər biri iki M1.3 və M1.2 alışma qeydə alıblar. Onların hər biri 10 dəqiqədən 28 dəqiqəyə qədər davam edib.

Alimlər dekabrın 29-u və 30-da günəş aktivliyinin orta və ya yüksək olacağını, daha çox X sinfinə aid alışmaların qeydə alınacağını proqnozlaşdırırlar.

Alimlərin 5 sinfə (A, B, C, M və X) ayırdıqları günəş alovları günəş plazmasının emissiyaları ilə müşayiət olunur. Bu plazma buludları Yer üzündə maqnit qasırğalarına səbəb olur.