Fransada paralimpiadadan sonra iki idmançı itkin düşüb

Fransada keçirilmiş Paris-2024 Yay Paralimpiya Oyunlarından sonra Konqo Respublikasından olan iki idmançı itkin düşüb.

BAKU.WS bu barədə xarici mediaya istinadən xəbər verir.

Atlet Qreys Muambako, nizə atıcısı Mirey Nqanqa, bələdçi komandanın olduğu yerə qayıtmayıblar. Atletləri son olaraq paralimpiya kəndində görüblər. Sentyabrın 5-dən sonra onlarla əlaqə saxlamaq mümkün olmayıb.

Prokurorluq idmançıların itkin düşməsi ilə bağlı araşdırma aparır. Onların qəsdən qaçdıqları ehtimal edilir.

Qeyd edək ki, Fransada keçirilən paralimpiada sentyabrın 8-də başa çatıb.