FIFA Trampa xüsusi icazə verə bilər – Dünya çempionu kubokunu təqdim etmə ehtimalı

FIFA ABŞ Prezidenti Donald Tramp üçün xüsusi istisna edə bilər və ona dünya çempionatının qalib komandasına kuboku şəxsən təqdim etməyə icazə verə bilər.

BAKU.WS xəbər verir ki, bu barədə "talkSPORT" məlumat yayıb.

Məlumata görə, FIFA Trampa mundialın finalından sonra futbolçularla birlikdə qalibiyyəti qeyd etmək və ya rəsmi mərasimdə kənarda qalmaq barədə qərarı sərbəst seçmək imkanı verə bilər.

Qurumun protokoluna əsasən, ənənəvi olaraq dünya çempionluq kuboku postament üzərinə qoyulur və daha sonra onu komandanın bir üzvü götürərək komanda yoldaşları ilə birlikdə qələbəni qeyd edir. Mərasimdə həmçinin turnirin təşkilatçı ölkələri olan ABŞ, Meksika və Kanadanın rəsmi nümayəndələrinin iştirakı nəzərdə tutulur.