Elektron siqaretlərdə bakteriya miqdarı tualet oturacağından 3 min dəfə çoxdur - Yeni araşdırma

Mütəxəssislər elektron siqaretlərdə aparılan araşdırma nəticəsində ciddi çirklənmə faktı aşkarlayıblar. Alimlərin sözlərinə görə, veyplərin üzərindəki bakteriya və göbələk miqdarı tualet oturacaqlarındakından 3 min dəfə çox ola bilər.

BAKU.WS xəbər verir ki, tədqiqat göstərib ki, veypdən istifadə olunduğu üçüncü gündən etibarən cihazdakı mikroorqanizmlərin sayı min dəfə artır. Üstəlik, bioloji aktivlik təkcə ağızlıqda deyil, cihazın gövdəsində də müşahidə olunur.

Mütəxəssislər bildirirlər ki, bu dərəcədə sürətli çirklənməyə səbəb veypin daxilində formalaşan xüsusi mühitdir. İsti və nəm ağızlıq patogen mikroorqanizmlərin sürətlə çoxalması üçün ideal şərait yaradır.

Araşdırmada həmçinin qeyd olunub ki, veyplərin səthində çətin təmizlənən davamlı bioplyonkalar yarana bilər. Tapılan mikroorqanizmlərin çoxu normalda insan dərisində və ətraf mühitdə mövcud olduğundan, veyp istifadəçiləri üçün daim müşayiətçi halına gəlir.

Alimlər elektron siqaretlərin müntəzəm təmizlənməsini, bunun üçün də smartfonların gigiyenasında tətbiq olunan üsullardan istifadə edilməsini tövsiyə edirlər.