Dünyada ən xoşbəxt ölkələr necə yaşayır? – BMT-nin hesabatı açıqlanıb

Birləşmiş Millətlər Təşkilatının dəstəyi ilə hazırlanan və dünyanın ən etibarlı sosial rifah hesabatlarından sayılan "World Happiness Report 2024"-ə əsasən, dünyanın ən xoşbəxt ölkəsi Finlandiya seçilib. Skandinaviya ölkəsi artıq yeddinci ildir ki, bu siyahıda birinci yeri tutur.

BAKU.WS ən xoşbəxt 10 ölkəni təqdim edir:

1. Finlandiya

2. Danimarka

3. İslandiya

4. İsveçrə

5. Niderland

6. Norveç

7. Lüksemburq

8. Yeni Zelandiya

9. Avstraliya

10. Avstriya

Hesabatda ölkələr insanların yaşam keyfiyyəti, sosial dəstək, gözlənilən ömür müddəti, azadlıq, iqtisadi rifah, qorup-keçmə səviyyəsi və hökumətə inam kimi meyarlara əsasən sıralanıb.

Skandinaviya modeli: niyə bu qədər uğurludurlar?

Mütəxəssislər qeyd edir ki, Finlandiya və digər Skandinaviya ölkələrinin ön sıralarda yer almasının əsas səbəbi güclü sosial dövlət modelidir. Bu ölkələrdə:

• İctimai səhiyyə sistemi geniş və pulsuzdur

• Təhsil yüksək keyfiyyətlidir və əlçatandır

• İnsanlar arasında ictimai etibar və birlik hissi güclüdür

• İş və şəxsi həyat arasında balans qorunur

• Hökumət orqanlarına olan etimad yüksəkdir

Xüsusilə Finlandiyada minimalist və təvazökar həyat tərzi, təbiətlə bağlılıq və emosional sabitlik insanların özlərini daha xoşbəxt hiss etməsinə kömək edir. Yerli sakinlər "xoşbəxtlik" anlayışını sərvət və dəbdəbə ilə deyil, daxili rahatlıq, təhlükəsizlik və ictimai dəstək ilə ölçürlər.