DOGE Agentliyi may ayında ləğv ediləcək

DOGE Agentliyi may ayında ləğv ediləcək
Dünya 148

İlon Maskın DOGE Agentliyi may ayında ləğv ediləcək.

BAKU.WS xəbər verir ki, İlon Mask sosial şəbəkə X və bir neçə müsahibəsində, hökumətin Effektivlik Departamenti (DOGE) vasitəsilə ABŞ-nin 1 trilyon dollarlıq büdcə kəsirini azaltmaq üçün çalışdıqlarını bildirib. Onun sözlərinə görə, bu məqsədə may ayında çatılacaq və agentlik ləğv ediləcək.

Qeyd edək ki, DOGE ABŞ Prezidenti Donald Trampın fərmanı ilə yaradılıb və federal büdcənin optimallaşdırılmasına yönəlib. Mask 130 gün müddətinə hökumətə xüsusi əməkdaş kimi cəlb olunub və federal xərcləri 7 trilyon dollardan 6 trilyon dollara endirməklə 1 trilyon dollar qənaət etməyi hədəfləyib.

Hazırda DOGE komandası dövlət xərclərini gündəlik 4 milyard dollar azaltmaqla məşğuldur. Bu günə qədər 115 milyard dollar qənaət edilib. Qənaət əsasən dövlət işçilərinin sayının azaldılması, aktivlərin satışı və bəzi müqavilələrin ləğvi ilə əldə olunub. Bununla belə, kritik dövlət xidmətlərinin təsirlənmədiyi bildirilir.

Əgər bu plan uğursuz olsa, ABŞ ciddi maliyyə problemləri ilə qarşılaşa bilər. Donald Trampın sözlərinə görə, 130 günlük müddət başa çatdıqdan sonra Elon Musk öz şirkətlərinə qayıtmalı olacaq.

Musk bu barədə danışarkən bildirib: "Amerika maliyyə baxımından sabit olacaq. Əgər bu tədbir uğursuz olsa, ölkə iqtisadiyyatı çökəcək."

Son xəbərlər