Danimarkanın Baş naziri istefa verib

Danimarkanın Baş naziri Mette Frederiksen kral X Frederiklə görüşdən sonra istefa verib.

BAKU.WS-in The Guardian qəzetinə istinadən verdiyi məlumata görə, bu addım parlament seçkilərindən sonra hökumətin yenidən formalaşdırılması üçün nəzərdə tutulan prosedurun bir hissəsidir.

Bildirilib ki, yeni Baş nazir təsdiqlənənədək Frederiksen vəzifəsinin icrasını davam etdirəcək. O, eyni zamanda, növbəti hökumət başçısı postuna əsas namizədlərdən biri hesab olunur.

Qeyd edək ki, Mette Frederiksen 2019-cu ildən Danimarkaya rəhbərlik edir.