COVID-19-dan sonra borc bataqlığında batan 26 ölkə

Dünyanın ən kasıb ölkələri COVID-19 pandemiyası fonunda borc bataqlığında qalıb və 2006-cı ildən bəri ən pis maliyyə vəziyyətindədirlər.

BAKU.WS xəbər verir ki, bu barədə Dünya Bankının hesabatında deyilir.

Hesabata görə, söhbət əhalisinin təxminən 40%-nin gündə 2,15 dollardan az pulla yaşadığı 26 dövlətdən gedir. Onların ümumi dövlət borcu milli iqtisadiyyatların həcminin 72%-nə çatıb.

"Bloomberg"in məlumatına görə, 2023-cü ilin sonuna qədər ən yoxsul ölkələrin borcları 3,5 trilyon dollar həcmində qiymətləndirilir. Bir çoxları öhdəliklərini ödəmək üçün yenidən borc almağa və ya səhiyyə və təhsil xərclərini kəskin şəkildə azaltmağa məcbur olurlar.