Çin artan tariflərə görə yeni Boeing təyyarəsini ABŞ-yə geri göndərdi

Yeni ticarət rüsumlarının tətbiqindən sonra 55 milyon dollar dəyərində qiymətləndirilən "Boeing 737 Max" təyyarəsinin Çin üçün qiyməti iki dəfədən çox arta bilər. Bu səbəbdən Çin artıq "Xiamen Airlines" şirkətinin rənglərinə boyanmış sərnişin təyyarəsini Sietldəki zavoda geri qaytarıb.

BAKU.WS xəbər verir ki, bu barədə "Reuters" məlumat yayıb.

Çin aviaşirkəti üçün nəzərdə tutulmuş "Boeing" təyyarəsi Donald Tramp administrasiyası tərəfindən başladılan tarif siyasətinin birbaşa qurbanına çevrilib.

Təyyarə Sietlə geri qayıdarkən – bu məsafə 8 min kilometri aşır – yolboyu yanacaq doldurmaq üçün Qvam və Havay adalarında eniş edib.

Qeyd edək ki, Çin hökuməti ölkənin aviaşirkətlərinə ABŞ-dən "Boeing" təyyarələrinin alınmasını dayandırmaq göstərişi verib.

Tramp Çindən idxala tətbiq olunan əsas tarifləri 145 faizə qədər artırıb. Cavab olaraq, Pekin də ABŞ-dən idxal edilən məhsullara 125 faiz rüsum tətbiq edib.

BOEING RECALLS 737 MAX JETS FROM CHINA AMID RISING TRADE TENSIONS; XIAMEN AIRCRAFT RETURNS VIA GUAM AS DEALS STALL

A Xiamen Air MAX just flew back to Guam from Zhoushan, reversing its delivery route.

China delays Boeing deliveries; 130 jets in limbo.
Aviation meets geopolitics. pic.twitter.com/P0wj1KyaZo

— Turbine Traveller (@Turbinetraveler) April 20, 2025