Canlı yayımda aparıcının konfeti ağzından ÇIXDI

Avstraliyanın Channel Nine telekanalının aparıcısı Piter Overton canlı yayım zamanı gözlənilməz hadisə ilə üzləşib. O, efirdə digər aparıcını təqdim edərkən ağzındakı öskürək konfetini təsadüfən yerə salıb.

BAKU.WS xəbər verir ki, hadisə Daily Mail nəşrinin diqqətindən yayınmayıb.

Overton konfet ağzından düşən kimi hadisəyə görə efirdə üzr istəyib:
"Və indi siyasi proqramın redaktoru Çarlz... ay bağışlayın, Çarlz Kruşe mənə Kanberradan qoşulur. Çarlz, axşamınız xeyir", – deyə çıxışına davam edib.

Məlumata görə, aparıcı səs tellərindəki polipin götürülməsi üçün keçirdiyi əməliyyatdan sonra efirə qayıdıb. Bu cür xoşagəlməz hadisənin də onun səhhəti ilə əlaqəli olması istisna edilmir.