Bu ölkədə koronavirus peyvəndlərinin 17 milyon dozası məhv edilib

Rumıniya hakimiyyəti 17 milyon müddəti bitmiş COVID-19 peyvəndi dozasını məhv edib.

BAKU.WS xəbər verir ki, bu barədə yerli "G4Media" portalı məlumat yayıb.

Məlumata görə, pandemiyadan sonra əhali peyvəndlənməyə az maraq göstərib və nəticədə peyvəndlərin istifadə müddəti keçib.

Qeyd olunur ki, hazırda Rumıniyadakı aptek və tibb müəssisələrində koronavirus peyvəndi qalmayıb.

Ölkənin Səhiyyə Nazirliyi bildirib ki, mütəmadi olaraq peyvənd olunmaq istəyən insanlar üçün preparatların əldə edilməsi məqsədilə peyvənd istehsalçıları ilə danışıqlar aparılır.

Buna qədər KİV-lər dünyada COVID-19 qədər təhlükəli yeni respirator virusun yayıldığı barədə məlumat vermişdi.