BMT dövlətin qurulmasında fələstinlilərə dəstək olacaq

BMT fələstinlilərə öz dövlətlərinin qurulmasında dəstək verməyə hazırdır.

Bunu BMT-nin İnsan Haqları üzrə Ali Komissarı Volker Türk açıqlamasında bildirib.

O, bildirib: "Biz fələstinlilərə insan haqları və qanunun aliliyini əsas götürən bir dövlətin qurulmasında dəstək verməyə hazırıq. Vaxtı gələndə qurbanların yaxınlarına və sağ qalanlara dəstək proqramları hesabatlılıq və təzminat məqsədilə yol açmaq üçün mühüm vasitə olacaq".

May ayında Fransa Prezidenti Emmanuel Makron, Böyük Britaniyanın Baş naziri Kir Starmer və Kanadanın Baş naziri Mark Karni birlikdə hökumətlərinin Fələstin dövlətini tanımaqda qətiyyətli olduqlarını və iki dövlətli həllin reallığa çevrilməsi üçün başqaları ilə işləməyə hazır olduqlarını bildiriblər.

Makron deyib ki, Fransa sentyabrda BMT Baş Assambleyasında Fələstin dövlətini rəsmən tanıyacaq.

Qeyd edək ki, Fələstini 147 dövlət tanısa da, ABŞ onların arasında yoxdur. 2024-cü ildən Fələstin İrlandiya, Norveç, İspaniya və Ermənistan da daxil olmaqla on dövlət tərəfindən tanınıb.