Bəşər Əsədin 24 illik həyat yoldaşı boşanmaq istəyir

Keçmiş Suriya prezidenti Bəşər Əsədin həyat yoldaşı Esma Əsəd ondan boşanmaq istəyir.

BAKU.WS xəbər verir ki, Esma Moskvadakı həyat şəraitindən narazı olduğunu ifadə edərək 24 illik evliyini bitirib Londona köçmək istəyir.

Bu məqsədlə Rusiyada məhkəməyə müraciət edən Esma Əsəd Moskvadan getmək üçün xüsusi icazə istəyib. Lakin bu müraciət hazırda Rusiya rəsmiləri tərəfindən qiymətləndirilir və nəticə hələ məlum deyil.

Bəşər Əsədin sığınacaq tələbi qəbul edilsə də, onun Rusiyada hakimiyyət orqanları tərəfindən sərt məhdudiyyətlərə məruz qaldığı bildirilir.

Əsədə Moskvanı tərk etmək və ya hər hansı siyasi fəaliyyətlə məşğul olmaq qəti qadağan edilib.

Bu qadağalar Əsədin fəaliyyət məkanını ciddi şəkildə məhdudlaşdırır.

Qalereya