Bayden: Los-Ancelesin yenidən qurulması on milyardlarla dollara başa gələcək

ABŞ prezidenti Co Bayden Los-Ancelesin kütləvi yanğınlardan zərər çəkmiş ərazilərini bərpa etmək üçün Konqresdən on milyardlarla dollar istəmək niyyətində olduğunu açıqlayıb.

BAKU.WS xarici KİV-ə istinadən xəbər verir ki, o, bunu federal rəsmilərlə keçirdiyi brifinqdə deyib.

"Los-Ancelesi əvvəlki vəziyyətinə qaytarmaq üçün on milyardlarla dollar lazımdır. Konqres hərəkətə keçməli və ehtiyyaclar üçün maliyyə vəsaiti ayırmalıdır", - Bayden söyləyib.

Son məlumata görə, bu yanğınlar nəticəsində artıq 24 nəfər həlak olub. Yanvarın 10-da "AccuWeather" meteoroloji xidmətinin nümayəndəsi Bill Veydel bildirib ki, Kaliforniyada yanğınların vurduğu ziyan 135-150 milyard dollara çatıb.