Afrika İttifaqı Qvineya-Bisaunun üzvlüyünü dayandırıb

Afrika İttifaqı hərbi çevrilişdən sonra Qvineya-Bisaunun təşkilatda üzvlüyünü dayandırıb.

BAKU.WS Oxu.Az-a istinadən xəbər verir ki, təşkilatın Sülh və Təhlükəsizlik Şurası Qvineya-Bisauda konstitusiya quruluşu bərpa olunana qədər İttifaqın orqanları və institutlarının işində ölkənin iştirakının dərhal dayandırılması barədə qərar qəbul edib.

Xatırladaq ki, noyabrın 26-da Qvineya-Bisauda hərbçilər prezident Umaro Sissoko Embalonun devrildiyini elan ediblər. Daha sonra onlar sərhədləri bağlayıb və komendant saatı tətbiq ediblər.