Ada ölkəsində göy öskürək epidemiyası elan edilib

Yeni Zelandiyanın Səhiyyə Nazirliyi ölkədə göy öskürək epidemiyası elan edib.

BAKU.WS xəbər verir ki, bu barədə idarənin mətbuat xidmətinin yaydığı məlumatda deyilir.

"Yeni Zelandiya göy öskürək epidemiyasının ilkin mərhələsindədir. Ölkə daxilində hallar bir neçə həftədir ki, davamlı olaraq artmaqdadır və indi milli epidemiya elan etmək həddinə çatıb".

Səhiyyə Nazirliyinin məlumatına görə, dörd həftə ərzində (2024-cü il oktyabrın 19-dan noyabrın 15-dək) ​​263 yeni göy öskürək infeksiyası qeydə alınıb ki, bu da 2024-cü il üçün ən yüksək göstəricidir.

Departament həmçinin bildirib ki, sonuncu böyük epidemiya 2017-ci ildə Yeni Zelandiyada qeydə alınıb, lakin bu, bir neçə ay davam edib. Nazirlik körpələrin və hamilə qadınların peyvənd olunmasının vacibliyini qeyd edib. Bütün uşaqları üç aylığa çatdıqdan sonra, eləcə də 16 həftəlik bütün hamilə qadınlara peyvənd etmək tövsiyə olunur.