ABŞ və İsrail hədəflərinə qarşı ən intensiv "Əsl Vəd 4" əməliyyat dalğası başladıldı

ABŞ ilə İsrailin İrana hücumları başladığı gündən sonra ilk dəfə ötən gün ən intensiv "Əsl Vəd 4" əməliyyat dalğası başladılıb.

BAKU.WS xəbər verir ki, bu barədə "Tasnim" xəbər agentliyi məlumat yayıb.

Qeyd edilib ki, ən güclü və genişmiqyaslı dalğa olan 37 -ci dalğa, ötən gün Qədr gecəsində həyata keçirilib və bu dalğa üç saatdan çox davam edən fasiləsiz raket atəşini əhatə edir.

İndiyə qədər atılan çox sayda "Xorrəmşəhr" raketi ilə İsrailə və ABŞ bazalarına çoxqatlı, davamlı hücumlar həyata keçirilib.

Bildirilir ki, bu şiddətli hücumlarda Təl-Əvivin cənubundakı "Haela" peyk rabitə mərkəzi, Beer Yaakov, qərbi Əl-Qüds və Hayfadakı hərbi obyektlər, eləcə də ABŞ-nin Beşinci Dəniz Bazası ikinci dəfə zərbələrə məruz qalıb.

Bunların hamısı SEPAH-ın şiddətli atəşi altında olub.

Böyük əməliyyatın uğuru İranın keçmiş Ali dini lideri Ayətullah Seyid Əli Xameneinin ruhuna, eyni zamanda bütün şəhid komandirlərin ruhuna həsr edilib.

"Biz məqsədyönlü və güclü hücumlarımızı davam etdiririk və müharibə davam etdikcə, yalnız düşmənin tam təslim olmasını düşünürük. Bu müharibəni yalnız müharibənin kölgəsi ölkəmizdən tamamilə qaldırıldıqda bitirəcəyik"- deyə bəyanatda qeyd edilib.