ABŞ Qəzza ilə bağlı mitinqlərdə iştirak edən tələbələrin vizalarını ləğv edir

ABŞ Dövlət Departamenti Qəzza ilə bağlı keçirilən mitinqlərdə iştirak edən 300-dən çox tələbənin vizalarını ləğv edib.

BAKU.WS xəbər verir ki. ABŞ Dövlət Katibi Marko Rubio mətbuat konfransında türkiyəli tələbə Rumeysa Öztürkün mülki geyimdə olan maskalı şəxslər tərəfindən saxlanılması ilə bağlı verilən suala cavab verərkən bu məlumatı paylaşdı. Rubio bildirib ki, hazırda bu cür tələbələrin sayı 300-dən çoxdur və bu proses davam edir. "Hər gün birini tapdıqda vizasını ləğv edirəm," - deyə ABŞ Dövlət Katibi qeyd edib.

O, əlavə edib ki, Vaşinqton, universitetlərdə zorakılığa, vandallığa və binaların işğalına qarışan tələbələrin vizalarını dərhal ləğv edəcək.