ABŞ-nin ardınca İtaliya və İspaniya Kiyevdəki səfirliklərini bağlayıblar

İspaniya, Yunanıstan və İtaliya Ukraynaya kütləvi hücum təhlükəsi səbəbindən Kiyevdəki səfirliklərini bir gün, noyabrın 20-də bağlamaq qərarına gəliblər.

BAKU.WS xəbər verir ki, bu barədə "Agencia EFE" məumat yayıb.

Kiyevə və ümumilikdə Ukraynaya kütləvi hava hücumla bağlı məlumatdan sonra Avropa ölkələri Kiyevdəki səfirliyini müvəqqəti bağlanmağa qərar verib.

Səfirliklər Ukraynada yaşayan vətəndaşlarına elektron məktublar göndərərək, onları fövqəladə təhlükəsizlik tədbirləri görməyə, yerli hakimiyyət orqanlarının bütün tövsiyələrinə əməl etməyə və sığınacaqla bağlı qayğı göstərməyə çağırıb.

Qeyd edək ki, ABŞ səfirliyi öz saytında bu gün, noyabrın 20-də mümkün yüksək intensivlikli hava hücumu ilə bağlı məlumat yerləşdirib. Qabaqlayıcı tədbir olaraq, Kiyevdəki səfirlik bu gün ziyarətçilər üçün bağlı olacaq.