ABŞ İranın "kölgə donanması"na qarşı yeni sanksiyalar elan edib

ABŞ İrana qarşı yeni sanksiyalar elan edib.

BAKU.WS "Report"a istinadən xəbər verir ki, bu barədə ABŞ-nin Maliyyə Nazirliyi məlumat yayıb.

Nazirlik sanksiyaların İranın "kölgə donanması"ndakı doqquz gəmiyə, eləcə də onlara sahib olan şirkətlərə aid olacağını bildirib.

Sanksiya tətbiq edilən qurumların və şəxslərin ABŞ-də yerləşən bütün əmlakı və aktivləri bloklanacaq.

Nazirlik əlavə edib ki, məhdudiyyətlər İran hökumətinin gəlirlərini azaltmaq məqsədi daşıyır.