ABŞ ICRC və IFRC-ə 200 milyon dollardan çox humanitar yardım ayırdığını elan edib

ABŞ Beynəlxalq Qızıl Xaç Komitəsi (ICRC) və Beynəlxalq Qızıl Xaç və Qızıl Aypara Cəmiyyətləri Federasiyası (IFRC) üçün humanitar yardım və təbii fəlakətlərin nəticələrinin aradan qaldırılması məqsədilə 200 milyon dollardan çox vəsait ayırdığını elan edib.

BAKU.WS "Report"a istinadən xəbər verir ki, bu məbləğə ICRC-in 2026-cı il üçün Qlobal Çağırış kampaniyasına töhfə qismində təxminən 133 milyon dollar və IFRC üçün 70 milyon dollar daxildir.

Qeyd olunub ki, bu vəsaitlər fövqəladə hallara operativ reaksiya vermək, silahlı münaqişələr şəraitində ehtiyacı olanlara çıxış təmin etmək və artıq mövcud olan qlobal humanitar reaksiya infrastrukturundan istifadə etmək qabiliyyətinə malik təşkilatları dəstəkləməyə yönəlib.