82 yaşında vəfat edən aktyorun SON MESAJI hamını təsirləndirdi

Məşhur aktyor Qil Cerard vəfat edib. O 82 yaşında dünyasını dəyişib.

BAKU.WS "Entertainmenttonight"a istinadən xəbər verir ki, bu barədə onun həyat yoldaşı Canet facebook hesabında məlumat yayıb.

Qil uzun müddət "nadir və şiddətli dərəcədə aqressiv xərçəng forması" ilə mübarizə aparıb.

Aktyorun sevənlərinə son mesajı belə olub:

"Həyatım inanılmaz bir səyahət kimi keçdi. Yaşadığım fürsətlər, tanış olduğum insanlar, verdiyim və aldığım sevgi planetdəki 82 illik həyatımı dərin məmnuniyyətlə qarşılamışam. Vaxtınızı sizi həyəcanlandırmayan və ya sizə sevgi gətirməyən nəyəsə sərf etməyin. Səmada bir yerdə görüşənədək, sağ olun".

Aktyorun bu mesajı sevənlərini xeyli təsirləndirib.

Qeyd edək ki, Qil Cerard "Buck Rocers"dəki rolu ilə məşhurlaşıb.