6 milyonluq var-dövləti 50 varis arasında bölünəcək

Məşhur almaniyalı rejissor Dieter Wedelin 6 milyon avroluq mirasına 50 varis çıxıb.

BAKU.WS xəbər verir ki, iki il əvvəl vəfat edən rejissor ilk evliliyindən olan kiki oğlunu vəsiyyətnamə ilə mirasından məhrum edib.

Bütün var-dövlətinin tək sahibi isə onun ikinci həyat yoldaşı Uşi Uolter idi. O da xərçəngdən vəfat etdikdən sonra rejissorun Hamburqdakı mirası məhkəmə tərəfindən yenidən dəyərləndiriləcək. Buna səbəb Uşi Uolterin heç bir övladının olmamasıdır.

Məhkəmə rejissorun daha 50 varisinin olduğunu üzə çıxarıb. Həmin şəxslər məhkəməyə müraciət edərək Diterin var-dövlətinə varis ola biləcəklər.

Qohumlar xarici ölkələrdə yaşadığı üçün bu miras bölgüsü hələ xeyli müddət davam edəcək.

Var-dövlətin böyük hissəsi Mallorcadakı böyük ev və Hamburq yaxınlığındakı iki mərtəbəli villanın qiyməti təşkil edir.