Fitsonun son durumu açıqlanıb: "Ölümlə həyat arasında savaş verir"

Slovakiyanın baş naziri Robert Fitso sui-qəsd cəhdindən sonra “ölümlə həyat arasında” qalıb.

BAKU.WS xəbər verir ki, bunu Macarıstanın baş naziri Viktor Orban "Kossuth" radiosunun efirində deyib.

Macarıstanda Slovakiya hökumətinin başçısı üçün "dua etdiklərini" qeyd edən Orban, "İndi Robert Fitso həyatı üçün mübarizə aparır, o, ölümlə həyat arasındadır" deyib.

Orban həmçinin Slovakiyada baş verənləri “Macarıstan üçün böyük itki” adlandırıb.

"Slovakiyanın baş naziri sağalsa belə, bir neçə ay işləyə bilməyəcək", - Macarıstanın baş naziri deyib.

Onun sözlərinə görə, qarşıdan gələn aylar Avropa Parlamentinə qarşıdan gələn seçkilər və Ukrayna münaqişəsi ilə əlaqədar Avropanın gələcəyi üçün son dərəcə əhəmiyyətli olacaq.

Bir gün əvvəl Slovakiya prezidenti Peter Pelleqrini demişdi ki, Robert Fikon möcüzəvi şəkildə ölümdən xilas olub, güllələr həyati orqanlardan bir neçə santimetr keçib. Pelleqrininin sözlərinə görə, baş nazirin vəziyyəti ağırdır.

Qeyd edək ki, siyasətçi döş qəfəsindən və mədəsindən yaralanıb. O, hadisə yerindən vertolyotla aparılıb və hazırda xəstəxanadadır.