12 avqustda nadir səma hadisələri baş verəcək: Günəş tutulması və meteor yağışı

Avqustun 12-də dünyanın bəzi bölgələrində tam Günəş tutulması, eyni tarixdə isə Perseid meteor yağışının maksimumuna yaxınlaşması müşahidə olunacaq.

BAKU.WS xəbər verir ki, 12 avqustda Ay Yerlə Günəşin arasına keçəcək. Nəticədə bəzi ərazilərdə Günəş tamamilə Ayın arxasında qalacaq və gündüz saatlarında qısa müddətlik qaranlıq yaranacaq.

Tam Günəş tutulmasını Qrenlandiya, İslandiya və İspaniyanın bəzi ərazilərindən izləmək mümkün olacaq. Avropanın bir sıra bölgələrində isə tutulma qismən müşahidə ediləcək.

Bundan başqa, avqustun 12-dən 13-nə keçən gecə Perseid meteor yağışının maksimumuna yaxınlaşması gözlənilir. Beləliklə, Avropanın bəzi ərazilərində eyni gün ərzində iki fərqli astronomik hadisəni izləmək mümkün olacaq.