Oslo – İstanbul təyyarə reysində bomba həyəcanı

Türkiyə təhlükəsizlik xidməti İstanbul hava limanında yerə enən təyyarədə yoxlanış apardıqdan sonra heç bir partlayıcı qurğu aşkar etməyib.

BAKU.WS oxu.az-a istinadən xəbər verir ki, bu barədə hava gəmisinin məxsus olduğu “Türk Hava Yolları” şirkətinin nümayəndəsi Yəhya Üstün məlumat verib:

“Oslodan İstanbula gələn TK1752 saylı reysdə partlayıcı qurğu olması barədə məlumat daxil olub. Təyyarə yerə endikdən sonra sərnişinlər təcili şəkildə evakuasiya olunub. Polisin yoxlanışından sonra məlumatın yalan olduğu üzə çıxıb”.