Saxta ətirlərlə bağlı XƏBƏRDARLIQ - Xərçəng yaradır

Saxta ətirlər istehsal prosesinə nəzarət edilmədiyi üçün insan sağlamlığı üçün təhlükəlidir.

BAKU.WS xəbər verir ki, bu barədə Gazeta.ru-ya açıqlamasında rusiyalı mütəxəssis Andrey Doroxov deuib.

Mütəxəssis izah edib ki, saxta ətirlərin tərkibinə daxil olan məhsullar işığın, istinin və ya havanın təsiri ilə parçalanaraq zərərli birləşmələr əmələ gətirir. Sonradan belə ətir rəngini və konsistensiyasını dəyişir və istifadə üçün yararsız olur.

Dosent xəbərdarlıq edib ki, saxta ətirlərin uzun müddət istifadəsi dermatit, ekzema və dəri xərçənginə səbəb ola bilər.

Doroxovun sözlərinə görə, saxta ətirlər çox vaxt ucuz və allergiyaya səbəb olan maddələrdən hazırlanır. Onların tərkibində fenollar və aldehidlər ola bilər ki, bu da dəri səpgilərinə, baş ağrılarına və tənəffüs problemlərinə səbəb ola bilər. Bəzi saxta ətirlərin tərkibində insanı zəhərləyə bilən ağır metallar var.