Kərə yağını necə düzgün saxlamaq olar?

Kərə yağının keyfiyyətini və təravətini qorumaq üçün onun düzgün saxlanılması vacibdir.

BAKU.WS xəbər verir ki, ekspertlər bu sahədə bir neçə əsas məsləhət təqdim edirlər.

Mütəxəssislərin fikrincə, kərə yağı ən yaxşı halda soyuducuda saxlanmalıdır. Optimal temperatur +2°C ilə +6°C arasında olmalıdır. Uzun müddət istifadə edilməyəcəksə, yağı dondurucuda saxlamaq məsləhətdir. Bunun üçün kərə yağı hava keçirməyən qabda və ya folqaya bükülmüş vəziyyətdə saxlanmalıdır. Bu qayda onun 6-9 aya qədər təravətli qalmasını təmin edir.

Kərə yağının xarab olmaması üçün hava və işıqla təmasının qarşısını almaq vacibdir. İşıq və oksigen yağın tərkibini dəyişdirə, dad və qoxusuna mənfi təsir göstərə bilər. Bu səbəbdən kərə yağı möhkəm bağlanan qabda və ya qeyri-şəffaf materialda saxlanılmalıdır.

Mütəxəssislər həmçinin qeyd edirlər ki, kərə yağı ətrafdakı qoxuları tez özünə çəkə bilir. Buna görə də onu balıq, soğan və ya sarımsaq kimi kəskin qoxulu məhsullardan uzaq tutmaq məsləhətdir.

Otaq temperaturunda saxlanılma halları da mümkündür, lakin bu zaman kiçik miqdarda istifadə olunması tövsiyə edilir. Ətraf mühit isti və rütubətli olduğu halda, kərə yağı tez xarab ola bilər.

Bu qaydalara əməl etməklə kərə yağını həm təzə, həm də keyfiyyətli saxlamaq mümkündür.