Kaliforniyada 20 mindən çox insan təxliyə edilib

Kaliforniyada güclü yanğın nəticəsində 20 mindən çox insan təxliyə edilib.

BAKU.WS trt haber-ə istinadən xəbər verir ki, Kaliforniyanın Malibu şəhərində güclü küləyin təsiri ilə başlayan yanğın 2800 km-dən çox əraziyə yayılıb. Səlahiyyətlilər bölgədəki 20 mindən çox sakin üçün təxliyə əmri verib.

Milli Meteoroloji Xidməti Santa Ana küləyinin sürətinin saatda 64 kilometrə çatdığını və bu küləyin yanğının yayılmasında təsirli olduğunu bildirib. Təhlükəsizlik tədbirləri səbəbindən 40 mindən çox insanın elektrik enerjisi kəsilib.

Malibu şəhərində, xüsusilə Pepperdine Universitetinin kampusunda yanğın sürətlə yayıldığı üçün tələbələr və işçilər təxliyə edilib.